സ്ഥാപന ചരിത്രം
1962-ന് മുമ്പ് ഇന്നത്തെ പന്ന്യന്നൂര് പഞ്ചായത്ത് പാനൂര്, തൃപ്പങ്ങോട്ടൂര്, മൊകേരി, കുന്നോത്ത്പറമ്പ് പ്രദേശങ്ങള് ഉള്ക്കൊള്ളുന്ന പാനൂര്പഞ്ചായത്തിന്റെ ഭാഗമായിരുന്നു. കൂത്തുപറമ്പ് ഫര്ക്കയില് ഉള്പ്പെട്ട അന്നത്തെ പാനൂര് പഞ്ചായത്തിന്റെ ആദ്യ പ്രസിഡന്റ് പന്ന്യന്നൂര്കാരനായ ചന്ത്രോത്ത് കെ.ടി.പത്മനാഭന് നമ്പ്യാര് ആയിരുന്നു. 1951-ലെ മദ്രാസ് പഞ്ചായത്ത് നിയമമനുസരിച്ച് പാനൂര് പഞ്ചായത്തിലെ തെരഞ്ഞെടുക്കപ്പെട്ട ആദ്യ പ്രസിഡന്റ് ശ്രീ.പി.ആര്.കുറുപ്പ് ആയിരുന്നു. അന്ന് പ്രസിഡന്റ് തെരഞ്ഞെടുപ്പ് നേരിട്ടായിരുന്നു. ഭരണസമിതിയിലെ ഏക കമ്മ്യൂണിസ്റ്റ് അംഗം ശ്രീ.കെ.സി.കെ.അടിയോടി ആയിരുന്നു. 1962 ല് പന്ന്യന്നൂര് വില്ലേജ് അതിര്ത്തി ആയുള്ള പന്ന്യന്നൂര് പഞ്ചായത്ത് നിലവില് വന്നു. 1963-ല് നടന്ന തെരഞ്ഞെടുപ്പില് ശ്രീ.പി.വി.കുഞ്ഞിരാമന് പ്രസിഡന്റായി തെരഞ്ഞെടുക്കപ്പെട്ടു. ഏഴ് തെരഞ്ഞെടുക്കപ്പെട്ടവരും ഒരു നോമിനേറ്റഡ് മെമ്പറും അടങ്ങിയതായിരുന്നു ഭരണസമിതി. അംഗങ്ങളുടെ പേര്വിവരം താഴെ കൊടുക്കുന്നു.